सन्चु ब्लोन/काठमाडौं, माघ २०- अखण्डित ताम्सालिङ प्रप्तिको लागि दवाब सिर्जना गर्न र ताम्सालिङ संयुक्त संघर्ष समितीको आन्दोलनलाई शसक्त बनाउन तामाङ सामाजिक संघसंस्थाहरु मिलेर ताम्सालिङ नागरिक सन्जाल गठन गरेको छ ।

आज काठमण्डौंको पुतली सडकस्थित नेपाल तामाङ घेदुङको कार्यालयमा भएको बृहत भेलाले सो सन्जाल गठन गरेको हो । तामाङ समाजमा विगत लामो समय देखि कुनै न कुनै रुपमा क्रियाशिल तामाङ संघसंस्थाहरु सन्जालमा आवद्ध रहेका छन् । नेपाल तामाङ घेदुङ, नेपाल तामाङ राष्ट्रिय महासंघ, तामाङ प्रज्ञा सभा लागयतका संघसंस्थाहरु र विधागत रुपमा काम गदै आएका संस्थाहरु साहित्यिक संस्था तामाङ डाजाङ, तामाङ कलाकारहरुको संस्था तामाङ कलाकार संघ, तामाङ चलचित्रकर्मीहरुको संस्था तामाङ चलचित्र संघ, तामाङ सन्चारकर्मीहरुको संस्था तामाङ सन्चर समुह, तामाङहरुको परम्परागत पेशा वा थांका कलाकारहरुको संस्था सन्जालको सचिवालयको रुपमा राखिएको छ ।

संविधानसभाको राज्यपुर्नसंरचना तथा राज्यशक्ति बाँडफाँड समितीले ल्याएको खाकामा ताम्सालिङको ऐतिहासिक भुमिलाई कटाएर नारायणी र सुनकोसी बनाएकोमा आपात्ति जनाउदै विज्ञप्ति जारी गर्ने, तामाङ सभासद र सबै राजनैतिक दललाई ध्यानकर्षण गराउने, अखण्डित ताम्सालिङको पक्षमा भित्ते लेखन गर्ने त्यस्तै आन्तरिक रुपमा अन्तरकृया र प्रशिक्षण तिब्र रुपमा अगाडि बढाउने लगायतका कार्यक्रम तत्काल गर्ने सन्जालले निर्णय गरेको छ ।