तिनी ह्राङनिदा जाजागी सेमन्हाङलवा ताम लाइ मान्जी दात्तेला दुइ बिबाजा सेम ढिक्पा ताङबा ह्रोकादेला दिमनाम स्होबा दुइ हिन्ना । हिन्बाम दिमनाम स्होबा बिबा ताम ओदे सजिलो आरे तर सेमतिङ ठिक्साम गिसेम गिला सेम न्हाङला भावनाकादेदा गोबारी खाम्साम ल्हुइ भारलान दिमनाम स्होसी सत्तन ङेसी ताङसी सोबारी खाम्ला । जिन्दगीला ग्यालामरी ब्राबा दुइरी ल्हामान सेम ताङबा ह्रोकादे स्याप्ला सेमला दुङालकादे बो लाबरी खाम्ला उेम ताङबारी, छुबारी खाम्ला ओम छ्याम छ्यामनो ब्राबारी खाम्ला तर तिङ न्हाङला दुङाला पारे कादे ब्लाबारी बिसाम सेम तिङ न्हाङला म्हिसे जेक्खेन खाम्ला । तिनी नाङगार माया लाबा छामे ब्योन कादेला ओइरो ल्हामा मुला । माया प्रेम बिबा तिलै आगोना माया प्रेमला साइनो युइबा दात्तेला र्छार्मङ छामे ब्योनकादेला ल्हुइ भारनोन मिख्लीला घ्योइरी क्याल्सी लाबान चु हृयुल्दा प्रेमला नाटक ल्काङबा रंगशाला स्होबान कादे म्हिला जिन्दगीन रंगमञ्चरी ओन्बा नाटक भन्दा कमला आरे ।

तिल माया प्रेम विवाल स्हालरी म्राङबा रेछागीला छाँया ह्राङबा हिन्ना ओम ? चु प्रश्न ङाला ह्राङनिदा जुन दिनी गाल्ना हृयान्से थे छायाँ म्राङबारी आखाम माया बिबा चु राङबा तादोला जुन दिनी फोसी अर्कोदान छायाँ पिन्बारी खाम्दोला । फिक्याप स्हाल म्लाङगाइ मुसाइ सेमला स्हाल न्हाङला माया क्युइ तेन ङ्हे ह्राङबा साङ साङब मुसाम गिसेम गिला सेमतिङ डिक्पारी आगाइ छयामरी ल्हुइ भारनोन सेमसे म्हान्बा ह्राङबा ताला दात्ते चु दुइरी डिक्पा सेम ह्रो माइबारी ल्हामान छामे ब्योन कादे इर्से उर्से छ्योङसी बोल्सी ब्राबान मुला । कोही जा ङालाम हृङ्ोरीन ब्रिबा आरेम बिबान थोबारी या थान्सी तिगा लासे विबान ह्राङला ह्रोकादेदा सेमला ताम पाङसी टिबान मुला । हिन्बाम जन्ती विबा दिनाम स्होबा विबा ताम लासे जुन ब्रिला थेनोन ताला मिसे झेबा म्राङजी बिभा ह्राङ सेमसे म्हान्बा ह्राङ ताबारी आखबम दिम नाम बिबा ताम रेछगीला लागीरी आहिन ताङमा किन्बा आताङमा फिर ब्याङबा रेछागी छ्याम बाबा तेन ल्हुभर छ्याम ब्राबारी ल्हामान फरक ताला । लि स्हालला माया स्हाल झेदे दोना । ताला लिच्छारी फुप्सी निबारी खाम्ला बिसाम । सेमतिङह्यान्से लाबा माया केव केवा दोन सत्तान लनिदिनी ह्राङ फेसी टिला । चुरी ब्राङ गिरीन टिला प्राङगिरीन सिला ज्योइ गिरीन ब्राला बिसी ग्रानचासी दिमनाम स्होसाइनोन थे दिननाम कादे फुप्सी निबाइ म्राङमुला । थेतासी माया प्रेम ह्राङबा पवित्र छिगदा ज्याना लासी गोसी गोरगिक प्रेमी प्रेमीका न्हाङरी जेक्खेन सिमीत आताना क्योङनोन म्हिल्हुइला समेतिङ न्हाङरी तादोला । म्हिला लिस्हाल च्यासी आहिन । थे न्हाङरी मुबा वास्तविक परिचयदा गोसी गिसेमगिला सेम आकोइना प्राङबो फ्युक्यो आबिना । माया देप्साम अवश्यन ह्राङनिला मायासे सफल्ताला ज्योमोगाङ थुरबारी आगाइ बिबान मुना मदन रोमियो जुलियट, लैला मजनुनला ह्राङबा ह्राङबा ह्राङनिला । माया तागाइ छ्यामरी - खाबा जिवा ल्होछारला ज्याबा डान्बा फुल्बान फेगे या ।
-ह्रो सजना गोले