तामाङ ग्योइरी २०४७ साल लिच्छा रंग मञ्चरी तिला रुपरी नाटककादे मञ्चन लाबा म्राङबा मूला । थे मध्येरी अमृत योन्जनला "चारदाम" सुशिला वाइबाला "पोङ") पाराब ताबामूला । तर थे नाटक कादेला खाजिबाइ पत्रकारसे समीक्षात्मक रुपरी ब्रिगु स्याङबा अभिलेख तिनीदोना म्राङबा आरे तर "सत्यला जीत" नाटकला बारेरी ङाच्छाारेम स्योस्योरी समीक्षा ताबा म्राङजी । तामाङ ग्योइला प्रमुख लेख देवनागरी लिपिरी ब्रिबा मुसैनोन पनि नाट्य जगत तेन रङग पत्रकारिताला दृष्टिकोण ग्याम च्यामा ऐतिहासिक महत्व मुला । हृयुलरी बहुदलिय पुनरस्थापना ताबा बखत दुइरी मंञ्चन ताबा विषय वस्तु तेन चु समिक्षात्मक लेखला सामुहिकता हृयुलरी लोकतन्त्र स्थापना ताबा बखतरीनोन महत्व पुइबासे अनुवाद लासी साभार लाबा हिन्ना - डिक्खेन)।

बा दिङ सोम दशक दोना पंचायती शासककादेसे निमुखा हृयुल्बाकादे थोरी लाबा निर्मम अन्याय, अत्याचार, शोषण, दमन तेन उत्पीडनरी पिल्साप तासी टिबा जनताकादे प्रजातन्त्र खामाहृयान्दे खाह्राङ लासी ह्राङला मौलिक हक, अधिकारला निमित्त संर्घष्ाशील ताबा मुला । बिबा बिषय बस्तुरी आधारित सामाजिक तामाङ नाटक नेपाल राजकीय प्रज्ञाप्रतिष्ठानसे रंग मञ्चरी प्रतिष्ठानसे आयोजना लाबा "राष्ट्रिय नाटक महोत्सव २०४८" री छनौट तासी नाट्य प्रेमीकादेला लागिरी २०४८/०६/१४ गते मञ्चन तामूला । थेल मिन "सत्यला जीत" मुबा । तामाङ नाट्य दोङरापरी तामङ ग्योइरी नोन मंचित चु गिक्छा पूर्ण्ााङ्की नाटक हिन्ना । चु बिभा ङ्हाच्छा २०४७ री डम्फू समूहसे प्रस्तुत साँस्कृतिक गेताङला छ्यामरी अमृत योञ्जनग्याम ब्रिबा एकाङ्की नाटक 'चारदाम' तेन २०४८ सालरी नेपाल डम्बु समूह ग्याम प्रस्तुत साँस्कृतिक गेताङरी शुशीला वाइबा ग्याम ब्रिबा पोङ एकाङ्की नाटक तामाङ ग्योइरीन तामाङ संस्कारदा विषय बस्तु किन्दासी मञ्चन तासी जिन्बामुला । चु ङ्िहनोन एकाङ्की नाटक मूबा बिसाम "सत्यला जीत" पूर्ण्ााङ्की नाटक हिन्ना । जीवन हमाल ग्याम ब्रिबा तर्ीथ मोक्तान ग्याम निर्देशित चु नाटकला अनुवाद तर्ीथ मोक्तान तेन छिरिङ मोक्तानसे लाबा मुबा । नाटकला कथा उठान लाबा पहाडला खाजिबाइ नाम्सा ग्याम थे नाम्सारी प्रधान ह्राङला चम्चेकादे ग्याम निमूखा हृयुल्बा फिरी थिचोमिचो लासी स्होबा तामुला । दुइ पोबा ताङरीे राजनैतिक परिवर्तनला छ्यामरी प्रजातन्त्र खाला । तर प्रधान ह्राङला ङहाच्छाला प्लेबा नाङबा लाबा गेदा ब्याङबारी आखाम । प्रजातन्त्रला उदय लिच्छानोन नाम्साबाकादेदा थिचोमिचो लाबा लाला । थे नाम्साला गोरभ्ली शिक्षककादे प्रधान ग्याम लाबा आज्याबा गेकादेला बिरुद्ध काइ थोसी रेबारी नाम्साबाकादेदा शिक्षा पिन्ना । नाम्साला सामान्य कृषककादेसे समेत ह्राङला भाउ थान्बा अनुभव प्रधानसे लाला । प्रतिशोधला भावनासे नाम्साला गोरगिक कृषकदा फ्या आलाबा तङरी ह्राङतेन छ्याम बोर्बा छे ङयासे दोनारी फाबारी धम्की पिन्ना कृषक ह्राङला म्हे हल गिक बिमा छ्यामरी तिलाइनोन आतावासे छे फाबारी भाखा ह्रिला ।

प्रधान फिरी थेला बिन्तीला तिलाइ असर पारब आता । झन सिबा सोबाला ग्लारी दोनागी तोसी पुइला ओम ङ्यासे दोनारी छे आफासाम कृषकला बाँझो भु ह्राङला मिनरी लाबा धम्की पिन्ना । नाटक चुबा ताङरिन प्रधानसे कुभलो म्हान्बा शिक्षककादेदा किन्बारी ह्राङला म्हिकादे पुइबा ताला । नाम्साला गोरगिक दमाइ सिबा ताला । बेनान शिक्षककादे मलामी निबा ताला । चम्चेकादेसे गोरगिक शिक्षकदा चुङसी प्रधानला ङामरी बाबारी सफल ताला । शिक्षकदा प्रधानसे ह्राङला बिरुद्ध आपाङबारी सल्लाह पिन्ना तर निमूखा ह्युल्बाकादेला हक अधिकार पिन्बारी ओम विद्यमान शोषण हटाप लाबारी शिक्षकसे ह्राङला ल्हुइनोन पिन्बारी तयार ताला । चु थेसीमाम प्रधानसे चम्चेकादेदा तोबारी कुल्ला । नाम्सालाकादेसे गोरगी शिक्षकदा प्रधानला चम्चेकादेदा जवर्जस्ती बोर्बा ताम मलामी निबा शिक्षककादेसे लिच्छा ङ्हाच्छा ताबान प्रधानला दिमरी दोला । प्रधानला चम्चाकादे ह्राङला बाहुलसे खाम्दे दोना थेनीकादेदा तोसी साइबान निला । लिच्छारी गोरगी शिक्षकसे ह्राङला ह्रोकादेदा अत्यचारला विरुद्व छेबारी आह्वान लाला ओम प्रधान तेन थेला चम्चेकादे फिरी जाइ लागाप ताला । चुराङले "सत्य मेवा जयते" ला मूल मन्त्रला छ्याम चु नाटक थुम्ला ।

नाटकरी प्रधानला भूमिकारी क्लाङबा अम्बर वीर लामा ह्राङला प्रतिभा उन्बारी सफल म्राङला प्रधानला चाम्चेकादेला भूमिकादरी क्लाङबा तर्ीथ मोक्तान, छीरिङ मोक्तानसे ह्राङला भूमिका क्लाङबारी आखाम कृषकला भूमिकारी प्रतिक थिङसे अभिनय ज्याबान लाबा मुला । कुमार घिसिङ, चन्द्र योन्जन, सोनाम ग्याल्बा योन्जान, महेन्द्र कुमार तामाङसे क्लाङबा भूमिका संन्तोष जनकक म्राङबा
मुला ।
-काइरन मासिक स्योस्यो अङ्क ४ ग्याम)
दोबा ः सजनी