निर्देशक सञ्जय लामा बलला ताम ङ्याँन्सी तामाङ फिल्म थुमरी प्लूम निबा म्हेतोगी हिरोला मिन हिन्ना-सन्दिप स्याङदन । क्योलोलोला हल खाबा ल्हुईरी जेबा-जेबा छामेकादेतेन छयाम स्याबारी म्याङबा थे भाग्यमानी हिरो सिन्धुली तामाजोरला हिन्ना । ५ फिट १० इन्च नोबा थेला दिङ्जा चुपाल्सेहयानदे बोगाल गिसेइ ब्लीरी (२४) री वाङबा मुला ।

तामाङ ग्योइला फिल्म 'छोर्वा', 'मोलाम', 'टाःनाच्योदो' तेन् 'मायाला छो' ह्राङबारीक्यार सशक्त अभिनय लासीजिन्बा सन्दिपसे ल्होलोल्होलो म्यूजिक भिडियोरीक्यार ऐनोन बो किन्सिजिन्बा मुला । बिसाम थे गोर्की म्हेतोगी मोडलिङ लाबा म्हिअेन हिन्ना बिसी थेसेन पाङबा मुला । हिरो दोबारी थेला रुप तेन जीउडालमी तोनुन तोला । तर ओदे मुसी जेगेन आता । थेतेन छ्याम थेजा स्याबारी खाम्बा, स्याबारी सेबा ओम तिल्दामानरीन अभिनय लाबारी खाम्बा कलाअेन तादोला । छ्यामरी पढाइमी अनिवार्य तोनोन तोजी । तर चुरी हिरो सन्दिपदा मुल्याङ्कन लासी च्यामा स्याबारी ओम अभिनयरीजा जाकार कमजोर म्राङला । तासाइनोन थेला जीउडालजा बिसाम ठीकन मुला । थेसे दाते कादे डोबा मुक्याम ओदेनिना प्रष्ट आतासाई सन्दिपला बानीजा बिसाम प्रष्ट था मुला थे तिला बिभा ताम । ल्हामा छामेला ताम लाबा तर छामेला मे ताप्सी खाइमाई आब्रापान कारणसे लासी मुला ताला थेसे दातेन सेमला ह्रो स्होबारी खाम्बा आरे । तामाङ फिल्मला थुमरी बेनासे ङोसेसी जिन्बा चुनोन हिरोदा न्हाङन्हाङजा खाब्बा-खाब्बा छामेकादेसे ङोसेसी जिन्याम या थेसे सेमन्हाङरी खाब्बा डिक्पा सेमह्रो दाम्सीटिबा मुयाम थेजा चुनोन ब्योन हिरो सन्दिप स्याङदनदान ह्रुप तासी ङयोइमा ज्याबा तालावा ?

प्रस्तुति: सिनेम्हेन्दो