माङ हयुल्बान्हाङरी रबिन्द्र तामाङ/ग्यावक च्याङबा/रसिला तामाङ खाल्सेइलोन आथेबा मिन आहिन । ह्रेङबा दुइह्यान्दे तामाङ हयुल्वाला विषयरी चिन्तन पुइसी ल्होलोल्होलो खोजमूलक तेन अनुसन्धानात्मक लेखकादेरीक्यार ब्रिगु स्याङसी खाबा रविन्द्र तामाङला लेखकीय योगदान तेन क्षमतादा च्यामा थेदा गे्रन लेखक ओम ग्रेन पत्रकार बिभारी खाम्ला ।

दोलखाला चोथाङरी केसी ह्राङ्ला ल्हर्ुइला ह्रो तामाङ कवयित्री सोनी तामाङतेन छयाम याम्बुरीन टिसी खाबा रविन्द्रला बाल्यकालजा बिसाम ओदेनिना सुखद आताजी । जाचामान केवा पिन्बा आमा म्हाबासे लामा आमाला माया याङबारी आम्याङबा टुहुरो रविन्द्रदा आपासे याम्बुरी बासी लोपखाङरी लोप्बा डोबा लापुङजीम । आपासे आम्च्याङ बार्साईनोन डिन्छेन आमाला माया ह्राङबान आम्च्याङग्याम्से ज्याबान माया याङसी थे छार्जीम । शिक्षारी स्नातक लासीजिन्बा रविन्द्र लोकसेवा आयोगरी सरकारी जागीर चबान ह्राङला छार्बा कोल्दा शिक्षादीक्षा पिन्बान ओम ह्राङला प्राणभन्दा प्यारो ल्हुइला ह्रोतेन नेवाहाबा लाबान सुखदुःख जुबान टिबा मुला बिसाम स्हयान फर्ुसादला लेङबा दुइकादेजा बिसाम खोजमूलक लेखरचना ब्रिभा, डोबा, ओम म्हाइबा लासी खाबा मुला । भ्रमणरी सेम लाबा, छार छार म्हीकादेतेन मित्रता गाँसपलाबा जो खालाङतेन डिक्बा निश्वार्थी भावना रविन्द्ररी म्राङबा सकारात्मक व्यक्तित्व हिन्ना ।

ताम विषयवस्तुरी बोर्गे म्हान्जी । दातेदोना तामाङ दोङरापरी तामाङ रंगमञ्चला विस्तार तेन विकासला ताममी ह्राङलान ग्लारी मुला । तर रङ्गमञ्च अथवा तामाङ नाटक तेन फिल्मकादेला समीक्षा लाबा मुल्याङ्कन लासी सुधारात्मक प्रतिक्रिया पिन्बा खाब्बाइबिमा गिक्छा तामाङ रङ्ग पत्रकारला रुपरी रविन्द्र तामाङदा याङबारी खाम्ला ।

ल्होलोल्होलो स्योस्योकादे च्यामा याङबाला आधाररी पाङतोमा रविन्द्र तामाङसे २०४८ ला 'कइरन' बिभा स्योस्यो अङ्क ४, पेज २२ री मुबा 'सत्यला जीत' बिभा नाटकला समीक्षा लाबा मुबा । अमृत योञ्जनला सम्पादनरी थोन्बा चुनोन 'कइरन' स्योस्योरी रविन्द्र तामाङसे ब्रिभा नाटकला समीक्षान खाब्बाइबिमा ङ््हाच्छा रेम हिन्ना बिसी पाङबारी खाम्ला । चुराङनोन लासी थेसे २०५३ असोज ५ गते शनिवार 'कान्तिपुर' दैनिकला कोसेली परिशिस्टाङला ६ पृष्ठरी 'पहिलो तामाङ चलचित्र' बिसी लेख व्रिभा मुबा । ओराङनोन लासी थेसे २०५९ चैत्र लारी नेपाली चलचित्र 'दोसाँद' मासिक नियमितरुपरी अङ्क कार्यकारी सम्पादक दोसीइनोन गे लास्हयुबा
मुबा ।

थेराङनोन लासी रविन्द्रसे २०५४ बैशाख ३१ गते मंगलबाररी थोन्बा 'हिन्दू' साप्ताहिक स्योस्योरी मुबा सिनेमा स्तम्भरी पर््रदर्शनमुख तामाङ चलचित्र 'सेमरी छोरङान' बिसी फिल्मला ताम ब्रिभा मुबा । २०५८ ला तामाङ ग्योइला स्योस्यो 'नाङसाल' सम्पादक प्रतीक तामाङला साउन ङहाच्छा अंकरी इतिहास स्तम्भरी ब्रिभा 'तामाङ भाषाला फिल्मकादे' बिसी ब्रिभा मुबा । ब्रिभालान क्रमरी 'हाम्रो बाटो' -ह्याङला ग्याम) साप्ताहिकरी टेलिचलचित्र 'डाङ' ला समीक्षा तेन चर्चा ओम लिच्छा खासी रविन्द्र तामाङसे सम्पादक वीरवहादुर वाइबाला 'छयोर्तेन' मासिकरीनोन 'मायाला छा'े तेन 'च्याङबा' फिल्मकादेला समीक्षा लाबा म्राङबा मुला । चु च्यामा रविन्द्र तामाङ उर्फरसिला तामाङनोन गिक्छा तामाङ रङ्ग पत्रकार हिन्ना बिसी सप्रमाण पाङबारी खाम्ला ।

ओम चुनोन गिक्छा रंङ्ग पत्रकार रविन्द्र तामाङदा तामाङ फिल्मला विषयरी तिलाई ताम लामा थेसे चुराङबा प्रतिक्रिया थान्जी -दातेदोना खाबा तामाङ फिल्मकादेला प्रगति उन्नति च्यामा खासाइ सन्तोषजनक आरे । गुणात्मक बिमाइनोन संख्या जेगेन ल्हामा तासी निबा म्राङबा मुला । प्रबिधि, छायाङ्कन तेन ह्वाई संगीतकादेजा बिसाम ज्याबा तासी निबा म्राङबा मुला ।

लिच्छारी ङाला गोर्की फिल्म स्होबाकादेदा ग्रेन गुनासो मुला -फिल्म स्होबाकादेसे फिल्मला समीक्षा लाबा समीक्षकदा फिल्म च्याबारी आहोइबा, फिल्मला सि.डी./क्यासेट आपिन्बा लाबा हिन्ना । समीक्षकजुकुदा बेवास्त लाबासेन तामाङ फिल्म कादे प्रगतिला ग्यालामरी आनिबा हिन्ना ।