भनाइदा खालैसे सेमारी किन्बारी खाम्बा आरे। माया प्रेमरीन ल्पिङबा चु जम्बुलिङरी अमूर्तरुपी मायाला अर्थदा खालैसे गोबारी खाम्बा आरे । तिनीला आधुनिकतारी ताङबा म्हिकादेसे गोरगिक लाभाला झोक्का छ्रयामनोन लाबा माया क्षणभर रिण फुप्सी निसी आजीवन तानवपूर्ण जीवन सोबारी बाध्य ताबा मूला । थेतासी प्रत्येक म्हिकादेसे अमूर्तरुपी मायाला पर्दादा डेसीमाम माया प्रेमला अर्थदा गोदासी माया प्रेमला नाता गाँसप लासामी अवस्यन म्हि ल्हुइला जीवन सफल ओन सार्थक आता बिबा भनाइरी मत ङि आता ।

म्हि ल्हुईदा जेन्खेन आताना न्योङनोन सजिब प्राणी कादेला सोबा तेन जीवन सफल ताबाला लागिरी माया प्रेमला आवश्यकता ताला । तर तिनीला आधुनिकतारी ताङबा नर पिचाशु दानबला स्हाल वोन्सी ब्राबा म्हि कादेसे चुरी मायाला खोक्रो आडम्बारी विश्वार ओन्सी म्हिला जीवन थोरी खेल क्लाङसी चिमूला । माया प्रेमदा धनतन रुप रंगरी कोइबा म्हिकादेनोन चुरी च्याङन आरे । तिनी न्हाङगारला म्हिकादे बाहिरी हृयुलरी ताङसी चिमूला । सेमन्हाङला माया प्रेमला ताम कादे खालैदा थाहा आरे । थे ताबासे तिनी चु ह्युलरी माया प्रेम ह्राङ्बा पवित्र छिगदा । विकृतिला रुपरी ओनसी खाबा मूला । माया प्रेमला अन्तष्करणदा खालैसे गोबारी म्हाइबा आरे । थेतासी क्षणिक माया भोग विलास तन मोजमास्तिरी ताङबा तिनीला आधुनिक प्रेमी कादेला जीवन दर्दानक तासि टिमूला ।

थेतासी ङाला बिचाररी प्रेम लातोला तर माया प्रेमला मिन लासी खालैला जीवन थोरी खेलबाड क्लाङसी धोका पिनना आदे । म्हि ल्हुइला खाप्पाइ बिमा ग्रेन अपराध बिबानोन प्र्रेमरी धोका पिन्बा हिन्ना । थेतासी खालैसे माया प्रेमला नाता गाँसप लाबा सेम मुसामी निस्वार्थरुपसे खूल्ला सेम थोसी अमूर्तमायादा सेमन्हाङ ह्यान्सेन मूर्तरुप पिन्बारी खाम्ला विसी जेन्खेन माया प्रेम लाबान म्हि लुइला जीवनला खाप्पाइ बिमा ग्रेन धर्म मान्ला ङाइमी । श ङाइ ऐन पूर्व जन्मरी खालैदा प्रेम लामूबा । चु सत्यतादा ङाइ साजेदार लाला छ्यामरी उपेक्षित ताबा मूबा । जुन सत्यदा ङाइ साक्षात्कार लाजी ङाला जीवन तेन दर्शन समाहित ताबा मूबा ङाला विश्वासरी प्रेम भगवान हिन्ना । ङाला प्रेम खजिबाइ प्रेमीला भन्दा न गहिराइरी च्यङना मूबा न त उचाइरीन च्याङना मूबा । जहाँ जहाँ प्रेम ताला थेरीन अहंकार झुकाव ताला प्रेमला मूल्य चुतेन ताला जति प्रेम लाबा म्हिला सामर्थ्य ताला ङाइ एन थेतोत प्रेम ग्यामसेन जिन्दगीला यात्रा सुरु लाबा मूबा ।

विश्व मानव समुदाय प्रेमला म्हाङरी अलमल तासी टिमूला । प्रेमलान पीडारी अलमल तासी टिमूला । क्योङनोन विश्वदान चु अलमल ग्यामसे छुटकार पिन्बा बाङ लामूबा ङाई । तर विडम्बाना चु बदला अहिन चुरी प्रेम लाउ बिमान खालैसे खालैदा प्रेम लाबारी आखाम । विश्वश प्रेमला दोङराप असम्भव मूला । ङाच्छाला दुइरी प्रेम सत्य मूबा थे लिच्छा दुःख सत्य ओम दाते जा अहंम सत्य तर ङाइ प्रेमरी जेन्खेन विश्वास लाला अहंमरी खैइमाइ प्रति विश्वास आला । थेतासी ङा सदा सदा चु प्रेम प्रति कर्तब्य पुरा लाला चाहे ङादा माया प्रेमला साधाक कादेसे नोन सदा सर्वदा गलतम्हि नोन तिल्दा अमानगाइ माया प्रेमला दोङरप झुक्याप तासैनोन ङाई मायाप्रेमदा खाईमाई लाबारी आखाम । चु ह्युलरी तिनी प्रेत्येक म्हिसे प्रेमला नाटक क्लाङबारी खाम्ला । तर साँचो प्रेम र खालैसे लाबारी आखाम (Love does not keep a record of wrongs) लिच्छारी तिनीला दुइरी गोरगिक म्हिला खुकुलो विश्वासरी जीवनभर लेप्पा रापले क्रोसी टिबा तिनीला बन्धन तेन बाध्यता अहिनबा टिम, बिबान ह्राङनिदा चुदेन तागैइ दोसिला रेकादेरी रुप ताबा आशा लतबान फेगे ह्या............

(माया प्रेमरी खाइमाइ डाबा ब्रेबा आता)
काभ्रे - २