चुरी ओन्बा तस्विर खाला म्हिला टिम ज्याना लासी च्यास्ह्युगोम । हिन्ना चुरी म्राङबा तस्विर तामाङ सञ्चार थुमला म्हेतोगी चर्चित ओम दातेला बरिष्ठ पत्रकार प्रतिक ङेसुरला हिन्ना । दीपेन्द्र दोङसे स्होबा तामाङ ग्योइला फिल्म 'मिख्ली' री अभिनय लाबा दुईला हिन्ना चु फोटो । हिन्बाम प्रतिक ङेसुरसे थे बिमा ङहांच्छा स्होबा 'मयुङ बुरिङ' फिल्मरिनोन जमिनदारला भूमिकारी अभिनय लास्हयुबा मुबा ।

ङहाँच्छा कलाकारिता लास्हयुबा प्रतिक ङेसुरला ल्हुइला इतिहास ब्लिङमा थेला लगाब बिबा ङहाँच्छा कलाकारितान म्राङला । तिल्दाबिसाम लोपखाङ डोमाहयान्देन प्रतिक ङेसुर ल्होलोल्होलो नाटक मञ्चनजुकुरीक्यार बो किन्बा म्राङला । ह्राङलान खालला मौलिक कला ओन्बारी सिपालु प्रतिक ङेसुरतेन छयाम प्रशस्त कला मुसाइनोन थेसे खाइमाइ नोन कलाकारला रुपरी ङोसेना आलाजी । दाते तामाङ सञ्चार थुमरी मुबा सयौ तामाङ पत्रकारकादेला अविभावकला भूमिका किन्सी चु थुमरीन मुबा वरिष्ठ सञ्चारकर्मीदा खालाइसे कलाकार हिन्ना बिसी पाङमा अचम्म ताबान चुराङबा बिबा थेबा मुला । ए... ज्यो प्रतिकसेनोन अभिनय सेला र ?

चुरी म्राङबा फोटो मिख्ली बिभा तामाङ ग्योइला फिल्मला गोर्की दृश्य हिन्ना । चु फिल्मरी वम्वइला कोठीरी धोसी धोगाबा नारीदा बिचल्ली ताबा दुइरी स्याप्सी सम्झाप लाबा ताङरी थे नारी ह्राङलानजामे टिम बिबा ताम था ह्याङ ह्राङला जामे (चाँदनी मोक्तान) टिम विदासी ङोसेबा दुइला हिन्ना । लिच्छारी हयाङला तामाङ हयुल्वाला वरिष्ठ पत्रकार प्रतिक ङेसुर ओनोन म्हेतोगी कलाकार हिन्ना विसी पाङबारी खाम्ला ।