धनध्वज दोङ

ह्याङला, सगुन, होइनाना, सुन सुन मैच्याङ, जस्ता तामाङ म्यूजिक भिडियोहरुमा सफल मोडलिङ गरिसक्नुभएका कलाकार धनध्वज दोङ आफूलाई एउटा स्थापित मोडलको रुपमा चिनिन चाहनुहुन्छ । ५ फिट ७ ईन्च उचाइको उहाँको उमेर अहिले २७ वसन्तको छ । बुबा औलत दोङ तथा आमा ठूलीमाया वाईबाको कोखबाट मेच्छे गाविस वडा नं. ९ तिमालमा जन्मनुभएका उहाँ धर्म र कर्म दुवैमा उत्तिकै विश्वास गर्नुहुन्छ । ठूलो उमेर र सानो उमेर जोकोहीसँग सम्मान गरेर बोल्न जान्ने उहाँको स्वाभाव छ । अहिले थाङ्का व्यवसायबाट हाउजिङ व्यवसायलाई आफ्नो प्रमूख पेशा सम्हालेका उहाँ कलाकारिता कुनै पनि देश, समाज या राष्ट्रको पहिचान हो । यसलाई चिनाउनु यूवाहरुको प्रमूख दायित्व हो भन्ने ठान्नुहुन्छ । कलाकारिताबाट जीविकोपार्जन गर्न सकिदैन र ? भन्ने सिनेम्हेन्दोको प्रश्नमा उहाँको उत्तर यस्तो छ - पक्कै सकिन्छ कलाकारिता क्षेत्रमा लागेर पनि राम्रो जीविकोपार्जन गर्न सकिन्छ । तर त्यो निरन्तर हुनुपर्दछ । मैले कलाकारितालाई एउटा पहिचानको माध्यम र मनोरञ्जनको साधनको रुपमा प्रयोग गरेको हुँ, मेरो कलाकारिता मोडलिङ हो । म मोडलिङ क्षेत्रबाटै तामाङ समाजको पहिचान दिन चाहन्छु । मोडलिङ क्षेत्रमा पनि थुप्रै तामाङ युवाहरुको सक्रिय भएको हेर्न चाहन्छु ।