आफुमा प्रशस्त नृत्य कला भएपनि यसलाई सहि ढंगले सदुपयोग गर्न नसक्दा त्यो कला ओझेलमा पर्दोरहेछ र नृत्य कलामा आफु पोख्त भएपनि यस क्षेत्रमा कसैले लगानी नगर्दिनाले आफुमा भएको कलाले ठाउँ नपाएको गुनासो नृत्य निर्देशक अष्टमान लामालाई छ । कलालाई चिनेर कलकारितामा अनुभव भएकालाई लिएर कलाकारिता क्षेत्रमा लगानी गरिदिने संघसंस्थाहरु निस्कनुपर्दछ । कलाकारितामा नृत्य विधालाई व्यावसायिक ढंगले व्यवस्थित प्रशिक्षण दिन सकेमा यसको छुट्टै महत्व हुन्छ भन्ने विचार सँगाल्ने अष्टमान लामा एउटा कुशल नृत्यकार हुन् । वि.सं.२०५६ साल देखि नृत्य सिक्दै आएको उनी काभ्रे तिमाल वोल्देफेदिचे -१, ग्योइगाङटोलमा आपा ङेमा तामाङ लोप्चन र आमा लायुल बलको गर्भवाट वि.सं.२०३३ साल माघ १ गते भएको हो । र्मिमीरे साँस्कृतिक प्रतिष्ठान (२०५६), न्यू मंगोलियन डान्स सेन्टर (२०५९) र शुभरंग कला केन्द्र जस्ता संस्थाहरुमा आबद्ध भई मुख्य नृत्य प्रशिक्षक भएर कार्य गरिसकेको उनले थुप्रै स्कूलहरुमा समेत नृत्य प्रशिक्षकको भूमिका निभाइसकेको छ । वि.सं. २०५१ सालमा गुरु आनन्द थापासंग औपचारिक नृत्य प्रशिक्षण र २०५६ सालमा पाल्देन योञ्जनसँग नृत्य सिकेको उनले २०५९ सालमा साँस्कृतिक संस्थान राष्ट्रिय नाँचघरमा समेत ८ महिना नृत्यप्रशिक्षण लिएको थियो । थुप्रै संघसंस्थाहरुलाई उत्कृष्ट नृत्य निर्देशनको भूमिका निभाए वापत थुप्रै प्रशंशा-पत्र एवं पुरस्कारहरु समेत प्राप्त गरेको छ । तामाङ भाषाको चलचित्र 'नाङला खी' मा नृत्य निर्देशन गरिसकेको अष्टमान लामा हाल थाङ्का कलाकारितामा व्यस्त रहेको छ ।